حظك سعيد .. مادمت أنت هنا !!!
هذه الصفحة مخصصة لنكت وطرائف الكذابين والفشارين في السويد ويجب أن نعرف معلومة مفيدة قبل مانبدأ في الضحك ..
نسأل لماذا هؤلاء بيكذبوا أو يفشروا ؟
حينما يكون أي شخص صاحب عقل صغير عاجز عن التفكير في مشاكل الحياه والمستقبل و يدخل في عالم مليئ بالأوهام فيري انه ضعيفا في هذا العالم ويشعر بنقص شديد … هذا النقص الشديد ليس له مخرجا الا الكذب فيكذب ويفشر في كل شيء ليسد احتياجه من الفخر باشياء لم يكن يستطيع ان يفعلها … ومن هنا البداية ؟
وصاحبنا أبو هوش ذوشخصيه كاذبه فهو كثير القسم بالله ، لآنه يعلم أنه فشار وكذاب بداخله ، فيقسم بالله تبريرا لنفسه ولو كان صادقا لحلف يمينا قائلاً والله العظيم ما فعلت كذا ؟
ولو أنت جلست مع أبو هوش و تحدثت بسوء عن احدا امامه يحسب انك تقصده ؟
هذا هو أبو هوش الفشار الكاذب ومثله الكثير
وهناك من الصفات الكثير ولكني اردت ان اوضح هذه الصفه لانها تغيب عن الكثير من الناس ، ولو عندك أي نكتة أو حكاية عن الفشارين إرسلها لنا لننشرها .. والآن فمعكم أبو هوش
اشتهر ابو هوش بين كل اصحابه انه راجل فشار اوي ، وفي يوم من الأيام جاله واحد صاحبه …
قعد أبو هوش يقوله امبارح جالي أبو لهب و حنظله و كنا بنتغدا مع بعض..
قاله صاحبه يا عم انت هتشتغلني قاله و هشتغلك ليه ؟
صاحبه قاله ماشي ياعم وكبر دماغه وغير الموضوع ؟
المهم نزل من عنده لقى هوش ابن الراجل ..
قاله صحيح الكلام ده الذي يقوله أبوك ؟
قاله كلام ايه يا عمو ؟
قاله : أبوك امبارح جاله ابو لهب و حنظله وكانو بيتغدو مع بعض؟
رد بسرعة هوش وقاله : بصراحه يا عمو مش عارف
بس انا امبارح لقيت موكب من كام ناقه كده واقفين أمام البيت وكان مكتوب عليهم ملاكي قريش
مرة أبو هوش الفشار كان رايح الغابة يقطف بلوبر ، شاف جثة دب ضخم ، قام قعد يجر فيها لغاية ما وصلها أمام بيته .. المهم الجيران وناس كتير اتجمعوا و كلهم قعدوا يهتفوا ويقولوا عاش أبو هوش قاهر الوحوش ، راح أبو هوش رفس الدب برجله وهو بيقول انا لما اتعصب ما برحمش
مرة أبو هوش وواحد صاحبة فشار زيه تمام قاعدين بيفشروا على بعض واحد بيقول للتاني انا امبارح وانا ماشي في الغابه طلعلي دب وكان في ايدي كوبايه مياة رميت الدب بيها راح جري !!!
صاحبه بسرعة رد عليه وقاله : علشان كدة إمبارح وأنا في الغابة لما طلعلي دب و ضربته بالقلم ايدي اتبلت مياه
مره واحد أبو هوش الفشار بيقول لصاحبه انا كنت ماشى من يومين فى السنتروم ( وسط المدينة ) وفجأة طلع عليا دب بني كبير ، روحت نطيت في البحر ، صاحبه قاله بحر ايه بس اللي فى السنتروم يا أبو هوش ؟
قال لا انا قلت اتشعلقت فى رقبته وخنقته ؟
صاحبه قاله وايه اللي جاب الدب في السنتروم ؟
فقال وانا ماشى فى السنتروم طلع عليا دب أكلنى.. إيه رأيك .. كده ارتحت
أبو هوش بقول لمراته .. تصدقى جارنا بيقول انة خان مراتة مع ستات العمارة كلها الا واحدة
قالت له : اكيد الولية الرخمة الى فى الدور الرابع …
